பெண் வீட்டிலிருந்து ஆண்கள் இருவரும் பெண்கள் இருவரும் (செலவைச் சுருக்க வேண்டுமென்ற வழக்கமாயிவிட்டது) இக்காலத்தில் இந்த வைபவத்திற்கு சொந்தக்காரர்கள் , தெரிந்தவர்களையும் கூப்பிடுவது வழக்கமாகிவிட்டது.

மாப்பிள்ளை வீட்டிற்குச் சென்று எங்கள் இன்னார் பெண் இன்னவளை, இன்னார் பையன் இன்னவனுக்குக் கல்யாணம் செய்கிறோம் என்றும், இவ்வளவு தொகை இவ்வளவு நகை தருகிறோம் என்றும் சொல்வார்கள்.

மாப்பிள்ளை வீட்டார்அதற்குச் சம்மதித்து வாளி, பழம், ரூபாயும் தருவார்கள், இவ்வாறு கல்யாணம் பேசி முடித்துக் கெட்டி பண்ணிக் கொள்ளப்படும்.

மாப்பிள்ளை வீட்டார் பங்காளிகளையும் சொந்தக்காரர்களையும், நண்பர்களையும் அழைத்துக் கொண்டு தேங்காய், பழம் பூ, வெற்றிலை, பாக்கு, பேரீச்சம்பழம், எலுமிச்சம்பழம், கற்கண்டு, மஞ்சள் முதலியவைகளைத் தாம்பாளத்தட்டில் வைத்தும் சடங்குத் தட்டில் பூ, சந்தனம், மஞ்சள், குங்குமம், விபூதி, பவுன், எலுமிச்சம்பழம் ஆகிய மங்கலப் பொருள்களையும் தேங்காய்ச் சட்டியையும் எடுத்துக் கொண்டு மேளம் வாசித்துச் சங்கு முழங்கிச் செல்ல வேண்டும்.

முதலில் பவுனை எடுத்து ஆசாரியிடம் கொடுத்துப் பவுன் தட்டச் சொல்ல வேண்டும். பின்பு பஞ்சாங்கக்கார அய்யங்கார் இருவரைக் கூட்டி வந்து ஏடு வாசிக்கச் செய்யவேண்டும். இரு ஏடுகளையும் தனித்தனியாக இரண்டு தட்டுகளில் வைத்து, ஒன்றைப் பெண் வீட்டாருக்கும், இன்னொன்றை மாப்பிள்ளை வீட்டாருக்கும் கொடுக்கச் செய்ய வேண்டும். பின்பு மாப்பிள்ளை வீட்டார், பெண் வீட்டாருக்குக் கொடுக்க வேண்டிய முறைகளை கொடுத்தும் பஞ்சாங்க ஐயங்கார் இருவருக்கும் தட்டில் எலுமிச்சம் பழம், வாழைப்பழம், பூ அத்துடன் ஆளுக்கு ரூபாய் 10/- வைத்து கொடுக்க வேண்டும். ஆசாரிக்குப் பணம் இல்லாமல் பூ பழம் வைத்துக் கொடுக்க வேண்டும்

ஒரு மரக்கால் நெல்லை உள்ளே வைத்து வைக்கோல் பிரியால் பந்து போல் கட்டுதல். இதைத் திருப்பூட்டப் போகையில் மணமகள் வீட்டுக்கு எடுத்துப் போக வேண்டும். அதைச் சாமி விட்டில் நடுவில் வைப்பார்கள். மணமகன் அரசாணிக்கால், அக்னி ஆகியவற்றை வலம் வந்தவுடன்,  இந்த கோட்டையைத் தாண்டி சாமி வீட்டுக்குள் செல்ல வேண்டும்.மாமக்காரர்  தாலி, மாலை முதலிவைகளைப் பெரியவர்களிடம் ஆசி பெறும் போது புரோகிதர் கீழ்கண்ட மந்திரத்தைச் சொல்வர்;

‘’மாங்கல்யம் தந்து நாநேன மம  ஜீவன ஹேதுகு

கண்டே பத்நாமி சுபகே சஞ்சீவி சரத ஸதம் ’‘

மாப்பிள்ளை வீட்டார் மணமகனுக்கு அப்பத்தாள் வீடு, சகோதரி வீடு, ஆயாள் வீடு ஆகியவற்றிலும் பெண் வீட்டார் மணமகளுக்கு அப்பத்தாள் வீடு, ஆயாள் வீடு ஆகியவற்றிலும் கல்யாணம் சொல்ல வேணும்.

மணமக்களின் பெற்றோர்கள் தங்களது பெற்றோர்களுக்கு முதல் மரியாதை கொடுப்பதே இதன் பொருள் மேலே குறிப்பிட்ட ஒவ்வொரு வீட்டிலும் சாமி வீட்டில் போய்த் தடுக்கில் அமர்ந்து கொண்டு தங்கள் குழந்தை இன்னாருக்கு இந்நாளில் திருமணம் என்று சொல்லிக் ‘கல்யாணம் சொல்லவேண்டும்’ என்று சொன்னதும் அவர்களும் அதனை ஏற்றுக் கொண்டு வெற்றிலை பாக்கும் ரூபாயும் தருவார்கள்.

அதுவே பாக்குப்பணம் ஆகும் மணமகளின் சகோதரிக்கு பணம் வைத்து கல்யாணம் சொல்லவேண்டும். மணவீட்டிற்குப் பக்கத்து வீடுகட்குச் சிறுவர்கள் பட்டுக்கட்டிச் சங்கு முழங்கி கூடியாக்கும் நாள் அன்றும் கல்யாணம் சொல்வார்கள்.

இருவீட்டாரும் அவரவர்கள் நகரக்கோவிலில்  4 நாள் முன்பாகப் போய் பாக்கு வைக்க வேண்டும். உதாரணமாக, 12 ௳ கல்யாணம் என்றால் 10 ௳  காலை முதல் மாலைக்குள் பாக்கு வைக்க வேண்டும். மணமகன், மணமகள் இருவரின் கோவில், பிரிவு, வகை மற்றும் மணமக்கள் பெயர், தகப்பனார் பெயர், மற்றும் விலாசங்கள், கல்யாண நாள், நேரம், நடைபெறும் இடம் ஆகியவற்றைப் குறித்துக் கொண்டு பங்காளிகளில் யாரேனும் ஒருவர் போய்ப் பாக்கு வைக்க வேண்டும். திருமணத்திற்கு முதல்நாள் கோவில் மாலை வரும் இது நமது சமூகத்தில் திருமணத்தை பதிவு செய்யும் முறையாகும்.

திருமணத்திற்கு முதல் நாள் அதிகாலையில் நாதஸ்வரக்காரர் வந்ததும் நம் வீட்டுச்சிறுமி ஒருத்தி சங்கு ஊத, நாதஸ்வரக்காரர் கொழு மேளம் வாசிப்பார். இது திருமண நிகழ்ச்சிகளைக் கொழுகி விட்டோம் என்பதனை அறிவிப்பதாகும்.

(மாதிரி  இசைபிடிமானம் )

• மாப்பிள்ளை வீட்டுக்காரர்பெண்வீட்டுக்காரர்
• கையெழுத்து கையெழுத்து

சங்கு ஊதச் சொல்லி, அரசாணி மேடையில் உள்ள குழியில் சிறிது பால் விட்டு பவழத்தைப் போட வேண்டும். அதன் பின் அதில் ஒரு கழியை ஊன்றி அதில் கிளூவை பாலைக் குச்சிகளை இணைத்துக் கட்ட வேண்டும். அந்த குச்சிகள் தெரியாமல் அதன்மேல் மாவிலைகளையும் அரச இலைகளையும்  சுற்றிக் கயிற்றால் கட்ட வேண்டும்.

இருவீட்டிலும் இதை அவரவர் பங்காளிகள் கட்டுவார்கள். திருமண நிகழ்ச்சிகள் தொடங்குவதற்கு முன்னர்ப் புரோகிதர்களால் அரசாணிக்காலுக்கு எல்லா மரியாதைகளும் செய்யப்படும். திருமணம் முடிந்ததும் இருவீட்டிலும் அரசாணிக்கு பொங்கலிட்டுப் படைப்பார்கள். பெண் அழைப்பு முடிந்த பின்னரே அரசாணிக்காலை அவிழ்க்க வேண்டும்.

திருமண மேடைக்குமேலே கருப்பில்லாத மாத்துச் சேலை 2 ஐச் சலவைத் தொழிலாளி  ( தற்போது பங்காளிகள்  ) கட்டிவிடுவார்கள். அக்காலத்தில் மேல்தளத்தில் உள்ள தூசியோ, அல்லது பல்லி முதலான பூச்சிகளோ மணமக்கள் மீது விழுந்து விடாமல் பாதுகாப்பதற்காகவே இப்படி மாற்றுக் கட்டியிருக்கிறார்கள் என்பது பெரியோர் கூற்று.

கல்யாணத்திற்கு முதல் நாள் காலையில் பெண் வீட்டிலிருந்து பெண்கள் மட்டும் மாப்பிள்ளை வீட்டிற்குச் சென்று வருதல். பித்தளைக்குடம் 2, செம்பு 2, விளக்கு 1 ஆகியவற்றுடன் மஞ்சள், உப்பு, புளி, பஞ்சு, , விபூதி, ப.அரிசி, பாக்கு ஆகிய 7 சாமான்களும் கொண்டு போகவேண்டும். இரு வீட்டாரும் பேசிக்கொண்டபடி  மேற்படி சாமான்களின் அளவு இருக்கும்.

திருமணத்திற்கு முதல் நாள் மாலையில் பெண் வீட்டிலிருந்து மறுசீர் வைக்க ஆண்களும், பெண்களும் போகவேண்டும். ஆண்கள் தேங்காய்ச்சட்டி,  சரிகை வேஷ்டி, துண்டு, கழுத்துச் சங்கிலி, கைக்கடிகாரம், மோதிரம், எலுமிச்சம்பழம், பூச்செண்டு, சீர் வைத்த சாமான் நோட்டு, மாமியார் சாமான் பணம் ஆகியவற்றைக் கொண்டு போக வேண்டும். பெண்கள் வெள்ளி விளக்கு, குடம்,செம்பு  முதலியவற்றைக் கொண்டு போவார்கள்.

சீர் வைக்க மாப்பிள்ளை வீட்டுக்குப் போனதும் மாப்பிள்ளைக்கு  வேஷ்டி, துண்டு அணிவித்து நகைகளையும் பெண் வீட்டுப் பெரியவர்கள் அணிவித்தபின் கல்யாண வேவு இறக்க வேண்டும்.

பெண்ணின்தகப்பனாரோ,சகோதரரோ சாமி வீட்டில் மாப்பிள்ளையை அமரச்செய்து ஒரு தொகையைத் தலையில் வைப்பர். இதை மாப்பிள்ளையின் மாமக்கார் எடுத்து மணமகன் தந்தையிடம் கொடுத்துப் பின்னர் அதை ஸ்ரீதனத்துடன் சேர்த்துக் கொள்வர். மாப்பிள்ளைக்குத் தலைச் செலவுக்குக் கொடுத்தலே தலைச்சீலையில் முடிதல் என்று வந்திருக்கிறது.

மாப்பிள்ளை வீட்டார் முன்கூட்டியே பெண் வீட்டிலிருந்து வாங்கி வந்து வைத்திருக்கும் கழுத்துரு திருமாங்கல்யத்தை எடுத்துக் கொண்டு போக வேண்டும்.

பெண் வீட்டார் அவர்களது சாமி வீட்டில் மாப்பிள்ளை வீட்டுப்  பெரியவர்களிடம் கழுத்துரு உருப்படிகளையும்  தாலிச் சங்கிலிகளையும் கொடுப்பார்கள்.அத்துடன்திருமாங்கல்யத்தைதையும்சேர்த்துஎல்லாவற்றையும் பட்டு துண்டில் வைத்து அத்துடன் விரளி மஞ்சள், வெற்றிலை, பாக்கு, மல்லிகைப் பூ ஆகியவற்றையும் வட்டுவப் பையில் வைத்துக் கொண்டு வர வேண்டும். பின்பு மாப்பிள்ளைவீட்டில் கழுத்துருஉருப்படிகளை எடுத்துக் கழுத்துருவைக்கோத்து வைக்கவேண்டும். உப்புக்கடகம், ஏட்டோலை, முளைப்பாரி,கம்பளி முதலியவைகளையும்  கழுத்துரு வாங்கப் போகும்போது எடுத்துப் போக வேண்டும்.

திருமணத்தன்று மணமகனுக்கு நாவிதர் வந்து முகச்சவரம் செய்து பின்னர் எண்ணெய் தேய்த்து நீராடுதல், மணமகனிடம் உள்ள கூச்சத் தன்மையைப் போக்கி இல்லற வாழ்க்கைக்குரியவனாக ஆக்குதலே இதன் நோக்கம். திருமணத்திற்கு முதல் நாளே பெண்வீட்டார் மாப்பிள்ளை கன்னி நீராட ந.எண்ணெய், சீயக்காய் முதலியன கொடுத்து விடவேண்டும்.

மணமகளின் கன்னித் தன்மையை நீக்கி அவளை இல்லறத்திற்குரியவளாக  மந்திரப் பூர்வமாக ஆக்குதலே இதன் நோக்கம். திருமணத்தன்று அதிகாலையில் மணமகளை நீராடச் செய்து ஒரு சரமாலை மட்டும் கழுத்தில் அணிவித்து மணமேடைக்குப்  பக்கத்தில் தடுக்கில் நிற்கச் செய்து மணமகளின் அம்மான் பெண்டிர் பூரம் கழிப்பார்கள். மணமகளின் உடலில் ஏழு இடங்களில் அதாவது தலையிலும், தோள்பட்டைகள் இரண்டிலும், இடுப்பில் இரண்டு பக்கங்களிலும், இரண்டு பாதங்களிலும் வேப்பிலையை வைத்து இரும்புச் சத்தகத்தினால் அதை தட்டி.விடுவார்கள் பிறகு குருக்கள் ஐயா, விநாயகர் பூசை செய்து, வர்ண கும்ப பூசையும் செய்து பூரம் கழிப்பார்கள்.

முளைப்பாலிகைக் கிண்ணங்கள் ஐந்திலிருந்தும் முளைவிட்ட தானியங்களைக் கொஞ்சம் கொஞ்சம் எடுத்துப் போட்டு வாழ்த்துதல்,. பகவணத்தின் போது இரு வீட்டிலும் அரிமணம் இடுதல் நடைபெறும். பின்னர் மணவரையின் போதும் இந்த தம்பதிகளுக்கு எல்லோரும் அரிமணம் இடுவார்கள்.

ஒரு மரக்கால் நெல்லை உள்ளே வைத்து வைக்கோல் பிரியால் பந்து போல் கட்டுதல். இதைத் திருப்பூட்டப் போகையில் மணமகள் வீட்டுக்கு எடுத்துப் போக வேண்டும். அதைச் சாமி விட்டில் நடுவில் வைப்பார்கள். மணமகன் அரசாணிக்கால், அக்னி ஆகியவற்றை வலம் வந்தவுடன்,  இந்த கோட்டையைத் தாண்டி சாமி வீட்டுக்குள் செல்ல வேண்டும்.மாமக்காரர்  தாலி, மாலை முதலிவைகளைப் பெரியவர்களிடம் ஆசி பெறும் போது புரோகிதர் கீழ்கண்ட மந்திரத்தைச் சொல்வர்;

‘’மாங்கல்யம் தந்து நாநேன மம  ஜீவன ஹேதுகு

கண்டே பத்நாமி சுபகே சஞ்சீவி சரத ஸதம் ’‘

மாப்பிள்ளை வீட்டார், உற்றார், உறவினர், பங்காளிகளுடன், ஆண்கள் தேங்காய் சட்டி, சிலேட் விளக்கு 2, கடகத்தில் வெற்றிலை, பாக்கு, கோட்டை முதலியவைகளையும் பெண்கள் மணமகளுக்குரிய  ஆடைகளையும் கழுத்துரு, தாலி, கோவில் மாலைகள்,  விபூதி, குங்குமம் ஆகியவற்றையும் கொண்டு போகவேண்டும். பெண் வீட்டுக்குள் நுழைந்ததும்

பெண்கள்  கொண்டு போகும் தாம்பாளத்தைப் பெண்ணின் தாயார் பெற்றுக்கொள்வார்கள்.

காப்பு கழற்றி கால் மோதிரம் இட மிஞ்சி எடுத்துப் போக வேண்டும்.

மணமகள் மாப்பிள்ளை வீட்டார் கொண்டு வந்த ஆடைகளை அணிந்துகொண்டு மணையில் கிழக்கு முகமாக நிற்க வேண்டும். மணமகன் கீழே தடுக்கில் மணமகளுக்கு எதிரே நிற்க வேண்டும்.மணமகள் கையில் தேங்காய், வெற்றிலை, பாக்கு, மஞ்சள், பச்சரிசி ஆகியவற்றைக் கொடுக்க வேண்டும். அவற்றை இரண்டு கையாலும் ஏந்தித் தேங்காய் மணமகனை நோக்கி இருக்கிறார் போல் வைத்து கொள்ள வேண்டும். முதலில் மணமகன் கோவில் திருநீற்றைத்தான் பூசிக்கொண்டு,  பின்னர் மணமகளுக்கும் பூச வேண்டும். பிறகு கோவில் மாலைகளை எடுத்து மணமகளுக்கு அணிவிக்க வேண்டும். பின்னர்க் கழுத்துருவை நிதானமாக எடுத்து மேல் பாகத்தில் திருமாங்கல்யம் உள்ள பகுதி வருமாறு மணமகளுக்கு அணிவித்து பின்புறம் 3 முடிச்சு  போடவேண்டும். முதல் இரண்டு முடிச்சுகளை மாப்பிள்ளையும் அடுத்த முடிச்சை நாத்தனாரும் போடுவது வழக்கம். பிறகு தாலிகளை அணிவிக்க வேண்டும். அதன்பின், கழுத்துரு,திருமாங்கல்யத்திலும்  பின்புறம் உள்ள 3 முடிச்சுகளிலும் சிறுதாலியிலும் கோவில் விபூதி, சந்தனம், குங்குமம் ஆகியவற்றை ஒவ்வொன்றாக வைக்க வேண்டும். பின்னர் மணமகள் கையில் உள்ள தேங்காய், வெற்றிலை வகையறாவைத் தாம்பாளத்தில் வைக்கச் சொல்லிவிட்டு மூன்றுமுறை மாலை மாற்றிக் கொள்ள வேண்டும். முதலில் மணமகன் தான் மாலையிட வேண்டும். பிறகு பெரியவர்களிடம் ஆசீர்வாதம் பெறவேண்டும். தம்பதிகள் ஒருவருக்கொருவர் இனிப்பைப் பரிமாறிக்கொள்வது இன்றைய பழக்கம்.

திருப்பூட்டி முடிந்ததும் மணமக்களின் தந்தையார் இருவரும் சாமி வீட்டில் அமர்ந்து இசை குடிமான பத்திரத்தில் கையொப்பமிடுவர். மணமகன் வீட்டுப் பத்திரத்தில் மணமகனின் தகப்பனார் முதலிலும், அதன் பிறகு பெண்ணின் தகப்பனாரும், மணமகள் வீட்டுப் பத்திரத்தில் மணமகளின் தகப்பனார் முதலிலும், பின்னர்  மணமகனின் தகப்பனாரும் கையெழுத்திடுவர்.இந்த பத்திரங்கள் இப்பொழுது அச்சிட்ட புத்தக வடிவில் வந்து விட்டது. அதில் மேல் பாகத்தில் கோடிட்ட இடங்களை மணமக்களின் கோவில், பிரிவு, தகப்பனார் பெயர், மணமக்கள் பெயர் ஆகியவற்றை முன்கூட்டியே எழுதி வைக்க வேண்டும்.

(மாதிரி  இசைபிடிமானம் )

கல்வாச நாட்டில் இளையாற்றங்குடியான குலசேகரபுரத்தில் அரும்பார்க்கிளையரான பட்டணசாமி சுப்பிரமணியஞ்செட்டி சொக்கலிங்கரோ கல்வாசநாட்டில் இளையாற்றங்குடியான குலசேகரபுரத்தில் ஒக்கூருடையான் கையெழுத்து.பழனியப்ப செட்டி கண்ணப்பரோ அவர் மகன் அழகப்பனுக்கு இவர் மகள் சீதாலெஷ்சுமியைப் பாணிக்ரஹணம் பண்ணிக்கொண்டமைக்கு இவர் பூஷணம் பூட்டும் பொன் ஒன்பது ஆறு கல்லெடை, பொன் பதின்முக்களஞ்சு, சீதனங்கொடுக்கும் பொன் இம்மாறு இவ்வெடை பொன் ஆறு களஞ்சு, வெள்ளி ஆறு களஞ்சு, வெண்கலம் தராப்பலம் அறுபத்தொன்று, வெள்ளாட்டிக்குப் பணம் முப்பது, சீராட்டுச் சக்கரம் அறுபத்தொன்று இவ்வகைப்படி செய்வோம். இவர் நன்கொடை கொடுக்கும் பொன் ஐம்பது, மோதிரம் விராகனிடை மூன்று, இவர் உகந்துடைமையாகக் கொடுக்கும்.பொன் ஐம்பது, மோதிரம் விராகனிடை மூன்று, இவர் உகந்துடைமையாகக் கொடுக்கும் பொன் வளையல் ஏழு களஞ்சு, இவ்வகைப்படி செய்வோம். இந்த நாள் இவரிடும் பொன் இவர் சொல்படி தெரிசனை பதின் முக்களஞ்சு இவ்வகைப்படி செய்வோம். இந்த இசை குடிமானம் எழுதினேன். கல்வாச நாட்டில் இளையாற்றங்குடியான குலசேகரபுரத்தில் ஒக்கூருடைரயான் கையெழுத்து.

• மாப்பிள்ளை வீட்டுக்காரர்பெண்வீட்டுக்காரர்
• கையெழுத்து கையெழுத்து

இதே மாதிரியாகவும் அவரவர்கள் வழக்கப்படிக்கும் தங்கள் தங்கள் ஊர்ப் பிரிவுகளையும் எழுதுவார்களாக.

மணமகளை மணையின்மீது கிழக்கு முகமாக நிற்கச் செய்து மணமகளுக்கு நேர்  எதிரில் சடங்கு செய்பவர்கள் தடுக்கில் நின்று கொண்டு சடங்குகளைச் செய்ய வேண்டும்.

முதலில் சடங்குத் தட்டில் உள்ள விபூதியை வலக்கரத்தால் எடுத்துச் சடங்கு செய்பவர்கள்  தானும் பூசிக்கொண்டு பொண்ணுக்கும் பூச வேண்டும்  சடங்குத் தட்டில்  உள்ள ஏழு கிண்ணங்கள் ஒவ்வொன்றையும்  மூன்று மூன்று தடவை தொட்டு விபுதியைத் தானும் கழுத்தில் பூசிக்கொண்டு பெண்ணுக்கும் கழுத்தில் பூசவேண்டும் இவ்வாறு இருபத்தொரு  தடவை  ( 7X3 ) பூசியதும் வலக்கரத்தில்  கெண்டி செம்பை எடுத்துக் கொண்டு மணமகள் கையில் ஒரு வெற்றிலையைக் கொடுத்து முதலில் நிறை வாளியை ( படியில் நெல்லும் அதன் மேலே கத்தரிக்காயும் இருக்கும் ) சடங்கு செய்பவரும் மகளும்  இடக்கையில் பிடித்துக்கொண்டு வலக்கையினால் கெண்டி செம்புத் தண்ணீரை  மணமகள் கையில் உள்ள வெற்றிலையில் ஊற்றவேண்டும். மணமகள் அந்த நீரை பாதங்களில் வடித்து விட்டு இரு கைகளினாலும் வெற்றிலையை நெற்றியில் வைத்து வணங்க வேண்டும். இது போலச் சிலேட்டு விளக்கு, பிள்ளைக்குழவி முதலியவைகளை வைத்துக் கொண்டு சடங்கு செய்ய வேண்டும். சடங்குகள் முடிந்ததும் சிலேட்டு விளக்கை நேராக வீட்டுக்குள் வைக்க வேண்டும் மற்றவைகளை மணமகளின் பின்புறமாகச் சுற்றி இடவலமாகக் கொடுத்து வீட்டுக்குள் வைக்க வேண்டும்.

மணமகளின் தாயார் அல்லது நாத்தனார் மணமகளின் வலக்கையில் தன் கையில் அணிந்திருக்கும் காப்பை அணிவித்து, அவளது இரண்டு கால் விரல்களிலும் மிஞ்சி அணிவிப்பார்கள். மருமகளுக்குத் தன் அணிகலன்களையும், உடைமைகளையும் குடும்ப பொறுப்பினையும் கொடுப்பதே இதன் கருத்து. பிறகு பகவணத்தின் போது மணமக்கள் கைகளில் கட்டிய மஞ்சள் காப்பு அவிழ்க்கப்பெறும்.

மணமகளுக்கு அவள் தகப்பனாரும் அவருடைய சகோதரர்களும் தருகின்ற பணம்தான் சீராட்டு. மணமகளை மனையில் உட்காரச் செய்து வள்ளுவப் பையில்  ( பாக்கு, மஞ்சள்,  எழுத்தாணி முதலியன வள்ளுவப் பையில் இருக்கும் )  ஒவ்வொரு பெயராக படிக்க, மணமகளின் தந்தை ஒவ்வொரு பெயருக்கும் ஒவ்வொரு பிடி  பாக்கு போடுவார்கள். இப்படி பிடிபாக்கு வள்ளுவப் பையில் போட்டதும் அதை கட்டி முடிந்து, தாம்பாளத்தில் வைத்து பெரியவர்களிடம் கொடுத்து மணமகன் வணங்கிப் பெற்றுக் கொள்வார். கடைசியாக மணமகனை விட இளையவர் ஒருவர் மணமகனை வணங்கி விட்டுச் சீராட்டைக் கொடுப்பார். கடைசியாகக் கணக்குப் பார்த்துப் பணம் கொடுக்கும் பொழுது பெண் வீட்டார் ஒருதொகையினை சீராட்டுக்காக கொடுக்க அது ஸ்ரீதனத்துடன் சேர்த்துக் கொள்ளப்பெறும்.

பாக்குச் சுருள்;

__________________ஸ்ரீ_________________________௴________________௳______________மகள்______________________கல்யாணத்தில்

பாக்குச் சுருள் வைத்த விவரம்;

    ( மணமகளின் தகப்பனார் வாரிசுதாரர்கள் மட்டும் )

1._____________________________________செட்டி மகன்

   __________________________________­­­­­­­­­­­­    -­­­­­­­­செட்டி

2.______________________________________   செட்டி மகன்

   ____________________________________   செட்டி

திருமணம் முடிந்து பெண்ணை அழைத்து போய் மணமகன் வீட்டில் விட்டதும் வேவுக்கடகத்தில் நெல்லையும் அதன் மேல் பால் செம்பையும் வைத்து மாப்பிள்ளையின் தகப்பனாரோ அல்லது சகோதரர்களோ அக்கடகத்தைத்  தலையில் வைத்துக்கொள்ள மணமகள் இறக்கிக் கொள்ள வேண்டும்.

அதன்பின் வேவுக் கடகத்தில் பச்சரிசியுடன் தேங்காய் 2,  கத்தரிக்காய் 4 ஆகியவற்றை வைத்து மணமகளின் தகப்பனாரும் சகோதரர்களும் ஒவ்வொருவராக வேவுக்கடகத்தைத் தலையில் வைத்துக் கொள்ள, மணமகள் முதலிலும் பின்னர்  மணமகளின் மாமியார், நாத்தனார் ஆகியவர்களும் இறக்கிக் கொள்வார்கள். ஒற்றைப்படை வரிசையில் எத்தனை பேர் இரு தரப்பிலும் சொல்கிறார்களோ, அத்தனை மாப்பிள்ளை வீட்டுப் பெண்கள் வந்து அதை இறக்கி கொள்வார்கள்.

வடித்த சாதத்தில் குங்குமத்தையும், சுண்ணாம்பையும் சேர்த்துத் திரியை வைத்து ஆலத்தீ பிடிப்பார்கள்.

ஆலத்தியைச்  சதுரவடிவத்தில் 4 திரிகள் வைத்தும்  கூம்பு வடிவத்தில் ஒரு திரி வைத்தும் பிடிப்பார்கள்.

பெண்வீட்டில்; ( 5 ஆலத்தி பிடிப்பார்கள் )

        மாப்பிள்ளை திருப்பூட்ட வருகையில் பெண்ணுக்கு அப்பத்தாள் அல்லது அய்த்தை மாப்பிள்ளையை வீட்டு முகப்புக் கோலத்தின் முன் நிறுத்தி சிலேட்டு விளக்கு வைத்து ஆலத்தி எடுத்து  விபூதி பூசுவார்கள். பெண்ணை அழைத்துப்போகும்போது மாப்பிள்ளையையும் பெண்ணையும் நிறுத்தி மேலே சொன்னது போல அப்பத்தாளோ அய்த்தையோ ஆலத்தி எடுப்பார்கள்.

மாப்பிள்ளை வீட்டில் ; ( 7 ஆலத்தி பிடிப்பார்கள் )

        காலையில் மாப்பிள்ளை கோவிலுக்கு போகையில் மாப்பிள்ளையின் அப்பத்தாளோ அய்த்தையோ சிலேட்டு விளக்கு வைத்து ஆலத்தி எடுத்து அனுப்பி வைப்பார்கள். திரும்பி வந்ததும் அதே போல் ஆலத்தி எடுப்பார்கள்.  மாப்பிள்ளை  திருப்பூட்டப்  போகையில் அதேபோல ஆலத்தி எடுத்து அனுப்பி வைப்பார்கள். திருப்பூட்டி முடிந்ததும் மாப்பிள்ளையும் பெண்ணும் திரும்ப உள்ளே நுழையும் போதும் ஆரத்தி எடுத்து வரவேற்பார்கள்.

7 கிண்ணங்கள் கொண்டது அவற்றில் 1) பிள்ளையார் வெற்றிலை பாக்கு, 2) மஞ்சள், 3) விபூதி, 4) பச்சரிசி, 5) உப்பு, 6) புளி, 7) பஞ்சு ஆகியவற்றையும் வைக்க வேண்டும்

இதை 3 நாள்களுக்கு முன்பே தயார் செய்ய வேண்டும் மணமகன் வீட்டில் முளைக்கும் திறனுள்ள நெல்படி 12ஐயும், உழுந்து,  துவரை பாசிப்பயிறு, மொச்சை, பருத்தி, கேப்பை ஆகிய தானியங்களில் தலா ஒர் உழக்கு வீதமும் ஒரு தவலையில் போட்டு ஊரணித் தண்ணீர் ஊற்றி வைக்க வேண்டும். பிறகு அந்த தண்ணீரை வடித்து விட்டு வேறு தண்ணீர் ஊற்றி வைக்க வேண்டும். திருமணத்திற்கு முதல் நாள் ஒரு பாத்திரத்தில் சிவப்பு துணியை வைத்து அதில் இந்த தானியங்களை வைத்து இறுகக் கட்டி வைக்க வேண்டும்.  இப்படி செய்யும்போது அவை முளை விட்டிருக்கும். அதில் ஒரு பகுதியை முதல் நாள் கழுத்துரு வாங்க வருகையில் மணமகன் வீட்டுக்குக் கொடுத்துவிடவேண்டும். திருமண தம்பதிகளும் அவர்கள் குடும்பத்தாரும் முளைவிட்டு பல்கிப் பெருகி வாழ வேண்டுமென்பதே இதன் நோக்கம். உப்புக்கடகம், ஏட்டோலை முதலியவற்றுடன் முளைதிரவியத்தையும், கொண்டு போகவேண்டும்.  மறு பெண்அழைப்பு முடிந்ததும் அரசாணிக்காலை பிரித்ததும் முளை  திரவியத்தை ஊரணிக்கரையில் உள்ள அரசமரத்தடியில் சேர்க்க வேண்டும்

ஒரு மரக்கால் நெல்லை உள்ளே வைத்து வைக்கோல் பிரியால் பந்து போல் கட்டுதல். இதைத் திருப்பூட்டப் போகையில் மணமகள் வீட்டுக்கு எடுத்துப் போக வேண்டும். அதைச் சாமி விட்டில் நடுவில் வைப்பார்கள். மணமகன் அரசாணிக்கால், அக்னி ஆகியவற்றை வலம் வந்தவுடன்,  இந்த கோட்டையைத் தாண்டி சாமி வீட்டுக்குள் செல்ல வேண்டும்.மாமக்காரர்  தாலி, மாலை முதலிவைகளைப் பெரியவர்களிடம் ஆசி பெறும் போது புரோகிதர் கீழ்கண்ட மந்திரத்தைச் சொல்வர்;

வடமொழியில்

‘’மாங்கல்யம் தந்து நாநேன மம  ஜீவன ஹேதுகு

கண்டே பத்நாமி சுபகே சஞ்சீவி சரத ஸதம் ’‘

தமிழில்

‘ இது புனிதமான கயிற்று நாண் நல்ல விதமாக வாழ்திருக்க வலிமை பெற்றது.

இதை நான் உன் கழுத்தில் அணிவிக்கின்றேன்.

நீ சகல செல்வாக்கு படைத்தவளாய் நூறு ஆண்டுகள் சுகபோகங்களுடன் வாழ்ந்திருப்பாயாக'