ராஜகோபுரத்தின் வடகிழக்கு பகுதியில் இலுப்பை மரம் ஒன்று உள்ளது. இந்த இலுப்பை மரத்தில் தான் கருப்பர் ஐக்கியமாகி உள்ளார். கருப்பருக்கு என்று தனி உருவம் எதுவும் இல்லை. இலுப்பை மரத்தின் முன்புறம் சிறு பீடத்தை எழுப்பி அதை வணங்கி வருகிறார்கள். சங்கூதி கருப்பர், சோனையன் முதலான பரிவார தெய்வங்களுக்கு அருகில் பீடங்கள் உள்ளது. இந்த மரம் 200 ஆண்டுகளுக்கு முற்பட்டது என்று கருதப்படுகிறது. இந்த கருப்பருக்கு ராஜகோபுரத்தின் வடதிசையில் கல் திருப்பணியில் ஒரு கோயில் எழுப்பி உள்ளார்கள். கருவறை கிழக்கு திசை நோக்கி இருந்தாலும் பீடம் கருவறையின் வட திசையை  ஒட்டி தெற்கு நோக்கி அமைந்துள்ளது. கருப்பர் வாசம் செய்யும் இடம்  இலுப்ப மரமாக இருப்பதால் இவருக்கு அபிஷேகம் செய்வதில்லை. தனி பீடத்தில் எந்திரம் அமைக்கப்பட்டு அதை கருப்பராக கருதி வழிபாடு செய்கிறார்கள். கருப்பருக்கு உரிய ஆயுதங்களான வெட்டரிவாள்,சூலத்தண்டு,சுக்கு,மாந்தடி,குத்துவாள், ஆகியவை வைக்கப்பட்டுள்ளன. கருப்பர் அணியும் பாதக்குறடு ஒன்று பீடத்தின் முன்புறம் வைக்கப்பட்டுள்ளது.

கருப்பருக்கு கருங்கிடா, செங்கிடா, பல நிறக்கிடா ஆகிய மூன்று வகை கிடாக்களை பலி கொடுப்பதால் இவருக்கு முப்பலி கருப்பர் என்று பெயர் வந்தது. இவை தவிர தட்சிணாமூர்த்தி, அண்ணாமலையார், பிரம்மா, நர்த்தன விநாயகர், விஷ்ணு துர்க்கை, துவார கணபதி, வயிரவர், ஆதிமூலம் ராமர், அர்த்தநாரீஸ்வரர், மாணிக்கவாசகர், நர்த்தன வயிரவர், வடுக வயிரவர், பிட்சாடன மூர்த்தி, ராமர், ஆஞ்சநேயர் ஆகியோருக்கு விக்கிரகங்கள் உள்ளது.

வயிரவன் கோயிலின் சிறப்பையும் வடிவுடை அம்மை உடனாகிய வளரொளிநாதர் பெருமையையும், வயிரவர் சுவாமியின் சிறப்பையும், பெரிதும் கூறுவது வயிரவன் கோயில் புராணம் என்னும் செய்யுள் நூலாகும். இந்த நூல் கி.பி பத்தொன்பதாம் நூற்றாண்டில் சேந்தன்குடி வி.நடராஜ கவிராயர் அவர்களால் இயற்றப்பட்டது. இந்த நூலை தேவகோட்டையைச் சேர்ந்த வீரசிகாமணி லெ. சின்னையன் செட்டியார் அவர்களால் புத்தகமாக வெளியிடப்பட்டது.

வயிரவர் கோயில் புராணம் மொத்தம் 17 படலங்களைக்களை கொண்டதாகும். அவையாவன 1) பாயிரம், 2) நாட்டுப்படலம், 3) நகரப்படலம், 4) நைமிசபடலம், 5) புராணவரலாற்றுப்படலம், 6) தல விசேடப் படலம், 7) தீர்த்த விசேடப் படலம், 8) மூர்த்தி விசேடப் படலம், 9) தேவர் படலம், 10) தேவர் சரண் புகு படலம், 11) வைரவ படலம், 12)அசுர சங்கார படலம், 13) தேவர் பூசித்த படலம், 14) ததீசி முனிவர் பூசித்த படலம், 15) சந்திரன் பூசித்த படலம், 16) சுக்கிரன் படலம், 17) கிரிகர படலம்.

மொத்தம் 1152 செய்யுட்கள் உள்ளன. அவற்றுள் நாட்டுப்படலம், நகரப்படலம், நைமிசப்படலம், புராண வரலாற்றுப் படலம், தல விசேடப் படலம், தீர்த்த விசேடப் படலம் ஆகியவற்றை தவிர்த்தும் பாயிரத்தைச் செய்யுள் வடிவத்திலேயே கொடுத்தும், எஞ்சிய பத்து படலங்களுக்கு எளிய உரைநடைச் சுருக்கம் தரப்பட்டுள்ளது.

வயிரவன் கோயில்தலம் கீழ்க்கண்ட பெயர்களில் இப்புராணத்தில் குறிக்கப்படுகிறது. வடுகநாதபுரி, வடுகநாதபுரம், வடுகன்மூதூர், வயிரவ நகர், வயிரவ மாபுரம்.

அரக்கர்களால் ஏற்பட்ட துன்பத்தினின்று மீள்வதற்காக தேவர்கள் வளரொளிநாதரிடம் அடைக்கலம் புகுந்தனர். அவர்களை காப்பாற்ற இறைவன் வயிரவக்கோலம் பூண்டார். கற்பகவிநாயகர் தலைமையில் அரக்கர்களை சம்ஹாரம் செய்து, இறுதியில் வயிரவமூர்த்தி அரக்கர் தலைவனை அழித்துத் தேவர்களை காப்பாற்றினார். இந்திரன், ததீசிமுனிவர், சந்திரன், சுக்கிரன் முதலியோர் இத்தலத்தில் பூசனை செய்து பாவம் நீங்கினார்.புராண நிறைவில் கிரிகரப் படலத்தில் நகரத்தார் வரலாறும், ஒன்பது நகரக் கோயில்கள் ஏற்பட்ட விவரமும் கூறப்படுகிறது. மேலும் இளையாற்றங்குடி, பிள்ளையார்பட்டி ஆகிய தலங்களின் பெருமையும் கூறப்படுகிறது. சேந்தன்குடி நடராஜ கவிராயர் அவர்கள் வடிவுடைஅம்மை மீது ஒரு பிள்ளைத் தமிழும் பாடியிருக்கிறார்.

வயிரவன் கோவில் பிரிவுகள்

வயிரவன் கோவில் நகரத்தார்கள் மூன்று பிரிவுகளை சேர்ந்தவர்கள்.

1. சிறுகுளத்தூருடையார்
2. கழனிவாசல் உடையார்
3. மருதேந்திரபுரமுடையர்

இவர்களில் சிறுகுளத்தூர் உடையார் மூன்று பிரிவுகளை உடையவர்கள்.

1. பெரிய வகுப்பு
2. பிள்ளையார் வகுப்பு
3. தெய்யனார் வகுப்பு

மற்ற இரு பிரிவுகளுக்கு உட் பிரிவு இல்லை எனத் தெரிகிறது.

1. அழிஞ்சில் ஸ்தல விருட்சம்

வயிரவர் கோயிலில் வெளிப்பிரகாரத்தில் அழிஞ்சி மரம் உள்ளது. இந்த தலத்துக்கு உரியது. ஏறழிஞ்சில் மரமாகும். இந்த மரத்தின் சிறப்பு இந்த மரத்திலிருந்து பழம் கீழே உதிர்ந்தால் மீண்டும் மரக்கிளையில் போய் ஒட்டிக்கொள்ளும்.

2. இரண்டு கொடிமரம்

இரண்டு கொடிமரங்கள் உள்ள ஒரே சிவன் கோவில் வைரவன்பட்டி மட்டும்தான்

3) ஒரே கல்லில் ஆன சிற்பம்

நடராஜர் சபையில் முக மண்டபத்தை ஒட்டியுள்ள வாயிலில் இருபுறமும் பாயும் குதிரையை அடக்கி பவனிவரும் குதிரை மறவர்களின் சிற்பங்கள் ஒரே கல்லில் செய்யப்பட்டுள்ளது. குதிரையின் முகத்திலும் கழுத்திலும் பல்வேறு மணிகளும் சதங்கையும் மலர்களும் கோர்த்துச் செதுக்கப்பட்டுள்ளது.

குதிரையின் மேல் வீரனின் சிற்பம் மிகவும் நேர்த்தியாக செதுக்கப்பட்டுள்ளது. அந்த வீரர்களின் வேல் கம்பியில் குத்துப்பட்ட கலைமான் உடும்பும் இயற்கையாகவே சித்தரிக்கப்பட்டுள்ளது.

வேகமாக பாயும் குதிரையின் கால் குளம்புகளில் கேடயத்தை நீட்டி தடுத்து நிறுத்தும் நிலையில் இரண்டு வீரர்கள் இருக்கிறார்கள். குதிரையின் மீது சவாரி செய்யும் வீரன் இருக்கிறார். அவரது இடுப்பில் நீண்ட வாள் செதுக்கப்பட்டுள்ளது.

4) ஒரே கல்லினால் தனிக்கோயில்

சண்டிகேஸ்வரர் எழுந்தருளியுள்ள தனிக்கோயில் ஒரே கல்லினால் செய்யப்பட்டது. சுமார் 20 டன் எடையுள்ள இக்கல்லை குன்றக்குடி அருகே உள்ள ஒரு மலையில் இருந்து ஒரே கல்லாக வெட்டி எடுத்து வந்து குடைந்து சண்டிகேஸ்வரர் சன்னதி உருவாக்கப்பட்டுள்ளது.

5) வலது பக்கம் வாகனம்

அனைத்து கோயில்களிலும் வயிரவருக்கு வாகனம் நாய் இடது பக்கம் பார்த்தபடி நின்றிருக்கும். ஆனால் நமது வயிரவன் கோயிலில் நாய் வலது பக்கம் பார்த்தபடி நிற்கிறது.

6) ஆஞ்சநேயரை வணங்கி நிற்கும் ராமபிரான்

சண்டிகேஸ்வரர் சன்னதிக்கு கிழக்குப் புறம் வடக்கு சுவற்றில் ராமபிரான் ஆஞ்சநேயரை வணங்கி நிற்கும் காட்சி காணப்படுகிறது. அனைத்து தலங்களிலும் ஆஞ்சநேயர் தான் ராமரை வணங்குவது போல் காட்சி இருக்கும். இது ஒரு அபூர்வமான சிற்பம் ஆகும்.

7) தோஷம் நீக்கும் பல்லி

அம்பாள் கருவறைக்கு பின்புறம் இரண்டு பல்லி சிற்பங்கள் உள்ளது. இவற்றை வழிபட்டால் தோஷம் நீங்கும் என்பது ஐதீகம். இதற்கான சிறப்பு பூஜைகள் கோயிலில் செய்யப்படுகிறது.

8) வயிரவர் தீர்த்தம்

வயிரவரால் உருவாக்கப்பட்ட தீர்த்தம் கோயிலுக்கு வெளியே உள்ளது. இதில் நீராடி வயிரவரை வணங்கினால் குழந்தை பாக்கியம் கிடைக்கும். பாவங்கள் தீரும். நோய் அகலும். எதிரிகளின் பயம் நீங்கும் என்பது நம்பிக்கை.

9) வயிரவருக்கு தான் கடைசி பூஜை

வயிரவன் கோவிலில் ஒவ்வொரு நாளும் கடைசி பூஜை வயிரவருக்த்தான் நடைபெறும்.

10) வயிரவர் சிற்பம்

வயிரவர் சிற்பம் மிகவும் சிறப்பு வாய்ந்ததாகும் வயிரவர் பத்ம பீடத்தில் நின்ற திருக்கோலத்தில் காணப்படுகிறார். அக்னி கேசம் தலைக்கோலமும் ஆபரணங்கள் நிறைந்த மார்பும் நான்கு கரங்களில் உடுக்கை பாம்பு சூலம் கபாலம் ஆகியவற்றை ஏந்தியுள்ளார். வயிரவருக்கு பின்புறம் அவரது வாகனமான நாய் வலது பக்கம் பார்தபடி நின்ற நிலையில் உள்ளது.

11) நெல்லி மரம்

இங்கு உள்ள நெல்லி மரங்களின் காய்களை எடுத்து சென்று இத்திருக்கோயிலின் ஊரணி தண்ணீரை பருகினால் நாய்க்கடி விஷம் இறங்கிவிடும். அந்த காயை எடுத்து வேறு இடத்துக்கு சென்று சாப்பிட்டால் இந்த பலன் கிடைக்காது.

12) 1416 சுதைச் சிற்பங்கள்

வயிரவர் கோயில் விமானங்களிலும் மண்டபத்தில் உள்ள அனைத்து விமானங்களிலும் சேர்த்து மொத்தம் ஆயிரத்து 1416 சுதை சிற்பங்கள் உள்ளது.

13) முதல் பிரகாரத்தில் வடகிழக்கு திசையில் கூரையில் வயிரவர் கோயில் தலபுராணம் தொடர்பான ஓவியங்கள் வரையப்பட்டுள்ளன.

14) தென்கிழக்கு கூரையில் ராமாயணம் தொடர்பான காட்சிகள் ஓவியங்களாக வரையப்பட்டுள்ளன.

15) இக்கோவியிலின் சிற்ப வேலைப்பாடுகள் மிகவும் பிரசித்தி பெற்றது 1854 ஆம் ஆண்டு நகரத்தார் திருப்பணி வேலைகள் துவக்கப்பட்டு 1894 ஆம் ஆண்டு சிறந்த சிற்ப வேலைபாடுகளுடன் திருப்பணி நிறைவேறியது. 30 ஆண்டுக்காலம் வயிரவன்பட்டியிலேயே தங்கியிருந்து வயிரவன் கோயில் சிறப்பாகக் கட்டி முடிப்பதற்கு உறுதுணையாக இருந்தவர். தெய்வநாயக வகுப்பைச் சேர்ந்த கண்டனூர் அ.நா. குடும்பத்தினரான திரு.நா.அ.ராம.இராமசாமி செட்டியார் அவர்களையே சாரும்.

16) இக்கோவிலில் உள்ள கண்ணப்பர் சிற்பம் கண்கொள்ளாக் காட்சியாகும்.

17) திருப்பத்தூரில் உள்ள வயிரவர் கோயில் வயிரவருக்கு சிரசு ஸ்தானமாகும். வயிரவர் பட்டியிலுள்ள வயிரவர் கோயில் இதய ஸ்தானமாகும். இலுப்பைக்குடி உள்ள வயிரவர் பாத ஸ்தானமாகவும் விளங்குகின்றன.

18) வயிரவர் பட்டி கோயில் புராணம் மொத்தம் 17 படலங்களைக் கொண்டுள்ளது. இதில் 1152 செய்யுட்கள் உள்ளன. நாட்டுப்படலம், நகரப்படலம், நைமிச படலம் புராண வரலாற்றுப் படலம், தல விசேடப் படலம், தீர்த்த விசேடப் படலம் ஆகியவை குறிப்பிடத்தக்கவை.

19) இப்புராணத்தில் வயிரவர் கோயில் வடுகநாதபுரி வடுகநாதபுரம் வடுகன் மூதூர் பைரவர் நகர் வைரவமாபுரம் ஆகிய பெயர்களால் அழைக்கப்படுகிறது.

20) இந்த நூல் சேந்தன்குடி திரு.வி.நடராச கவிராயரால் இயற்றப்பட்டது. இந்நூலை வெளியிட்டவர் தேவகோட்டையை சேர்ந்த திரு.வீர.லெ. சின்னையன் செட்டியார் அவர்கள்.

1. வயிரவருக்கு பிடித்தது சந்தனக்காப்பு

2. வயிரவருக்கு சர்க்கரைப் பொங்கல், தயிர்சாதம், செவ்வாழை, அவல் பாயசம், உளுந்து வடை, சம்பா அரிசி, சாதம், பால் பழவகைகள் ஆகியவற்றை வைத்து வழிபடுவது சிறப்பு.

3. 21 தேய்பிறை அஷ்டமி விரதம் இருந்தால் உங்களது விருப்பம் நிறைவேறும்.

4. வயிரவருக்குத் தாமரை, வில்வம் தும்பை சந்தன மாலைகள் அணிவிப்பது சிறப்பு. செவ்வரளி மஞ்சள் செவ்வந்திப்பூ போன்ற மலர்களால் அர்ச்சனை செய்வது விசேஷம். மல்லிகைப் பூவை தவிர்க்க வேண்டும்.

5. செல்வத்திற்கு அதிபதியாக விளங்குபவர் சொர்ண ஆகர்ஷண வயிரவர். இவரது இடது கையில் கபாலத்திற்கு பதிலாக அட்சயபாத்திரம் இருக்கும்.

6. வயிரவருக்கு ஒரு சிவப்பு துணியில் ஒன்பது மிளகாய் போட்டு முடிச்சிட்டு நல்லெண்ணெய் விட்டு தீபம் ஏற்றினால் செல்வம் பெருகும்.

7. சனீஸ்வரரின் குருநாதர் வயிரவர்.